ဢူၺ်းၵေႃႉႁဝ်းၶဝ်ႁိူၺ်ႉႉႉ ၸၢတ်ႈပၢၼ်ႁဝ်းၼၼ်ႉ လႆႈဝၢင်းတမ်း ၶေႃႈတႅပ်းတတ်းလၢႆဢၼ်လၢႆလွင်ႈ ၵူႈဝၼ်းၵူႈၶၢဝ်းယူႇယဝ်ႉ။ ၼႂ်းၸိူဝ်းၼၼ်ႉ ၵမ်ႈၽွင်ႈၵေႃႈငၢႆႈလူမ်သေ ၵမ်ႈၽွင်ႈသမ်ႉယၢပ်ႇယၢၵ်ႈယူႇယဝ်ႉ။ ၽွင်းမိူဝ်ႈႁဝ်းဝၢင်းတမ်း “ၶေႃႈတႅပ်းတတ်း” ၼၼ်ႉ တူင်ႇဝူင်းႁိမ်းႁွမ်း၊ ဢူၺ်းၵေႃႉဢူၺ်းသႄႈ၊ ၼမ်ႉၵတ်ႉပၢႆးႁူႉမေႃ၊ တူဝ်ထူပ်း လႄႈ လွင်ႈဝႆႉၵႃႈၶၼ်ၸၢတ်ႈပၢၼ်ဢၼ်ထုၵ်ႇမႅၼ်ႈၸိူဝ်းၼၼ်ႉ သုမ်ႇငမ်းၼိူဝ်ႁဝ်းဝႆႉယူႇတင်းၼမ်တင်းလၢႆၼႆၼၼ်ႉ ၸွင်ႇၾၢင်ႉမႅၼ်ႈႁိုဝ်? ၸၢတ်ႈပၢၼ်မိူဝ်းၼႃႈၼၼ်ႉ တႃႇႁဝ်းတေလိူၵ်ႈမႅၼ်ႈသဵၼ်ႈတၢင်းဢၼ်ထုၵ်ႇမႅၼ်ႈဢၼ်ဝႃႈၼၼ်ႉ လွင်ႈတႅပ်းတတ်းႁဝ်းၵေႃႈ လူဝ်ႇလႆႈထုၵ်ႇမႅၼ်ႈယူႇယဝ်ႉ။ “လွင်ႈဝၢင်းတမ်းၶေႃႈတႅပ်းတတ်း” ဢၼ်ဝႃႈၼၼ်ႉ ပဵၼ်လွင်ႈလိူၵ်ႈသဵၼ်ႈတၢင်းဢၼ်ၼိုင်ႈယူႇ ယဝ်ႉ။ ၵွပ်ႈၼၼ် တေလႆႈဝူၼ်ႉထိုင် “လွၵ်းၶႅင်/လွၵ်းဢူၼ်ႈ” သဵၼ်ႈတၢင်ႈလိူၵ်ႈဢၼ်လႂ်ဢၼ် ၼၼ်ႉသေ “ၽွၼ်းယွၼ်ႈ” ဢၼ်တေၸၢင်ႈၵိူတ်ႇၵိုၵ်းမႃးၸွမ်းၽၢႆႇလင်ၼၼ်ႉၵေႃႈ တေလႆႈဝူၼ်ႉ ၶႆႈၸႂ်ပႃးယူႇယဝ်ႉ။ လိူဝ်သေၼၼ််ႉ ၸွင်ႇတေမႃးငၢမ်ႇမႅၼ်ႈၵၼ်တင်း လွင်ႈဢၼ်ႁဝ်းဝႆႉၵႃႈၶၼ် ၼၼ်ႉၵေႃႈ လူဝ်ႇလႆႈ “ႁိဝ်ႈၸင်ႈ” ပႃးယူႇယဝ်ႉ။ လိူဝ်သေၼၼ်ႉ “ၶေႃႈတႅပ်းတတ်း” ၸွမ်းၼင်ႇဢၼ်ႁဝ်းတမ်းဝၢင်းဝႆႉၼၼ်ႉၵေႃႈ လူဝ်ႇလႆႈမေႃ “ၽေႃႇၼမ်ႉၼႄတူဝ်” ၵႂႃႇယူႇယဝ်ႉ။ ပိုၼ်ႉႁူႉပၢႆးႁၼ် ပိုၼ်ႉထၢၼ်ပၢႆးယူႇလီ၊ ပၢႆးဝူၼ်ႉႁၼ် ၸိူဝ်းဢၼ်ပႃးဝႆႉၼႂ်းပပ်ႉဢွၼ်ႇပပ်ႉၼႆႉ တေပဵၼ်လွင်ႈၵမ်ႉၸွႆႈ ၼႂ်းလွင်ႈဝၢင်းတမ်းၶေႃႈတႅပ်းတတ်း […]
